အတ္တဟိတသည် ပရဟိတအတွက် ငြမ်း၊ ပရဟိတသည် သံသရာ ခရီးမှာ ထောက်ရာတည်ရာ...

ဒီပို့စ်ကတော့ ရွှေဘုန်းရဲ့ ဘ၀မှာ စေတနာပန်းခင်းလေး  ပေါ်ပေါက်လာပုံ အကြောင်းအရာများကနေ စတင်ရပါလိ့မယ်...ရွှေဘုန်းရဲ့ ဘ၀ဟာ စေတနာပန်းခင်း အတွက်၊ စေတနာပန်းခင်း ကတော့ လောကနဲ့ သာသနာ အတွက်ပါ...

လွန်ခဲ့တဲ့ (၇)နှစ်လောက်က စပြီး သာသနာအတွက်၊ လောကအတွက် အလုပ်လေးတွေ နည်းနည်း စပြိးလုပ်ဖြစ်ပါတယ်၊ အစ ကနဦးတုံးကတော့ စေတနာပန်းခင်းလို့ ခေါင်းစဉ်မတပ်ခဲ့ဘူး၊ နောက်တော့ အလုပ်လေးတွေ အောင်အောင်မြင်မြင်လုပ်နိုင်ဘို့ အဖွဲ့လေး ရှိမှဖြစ်မယ်၊ အဲဒိအဖွဲ့လေးကို ဘယ်လိုနာမည်ပေးမလဲဆိုပြီး စဉ်းစားရပါတော့တယ်၊ တစ်ညလုံး စဉ်းစားတာ အဖြေမပေါ်ပါဘူး၊ ရချင်တော့လည်း ဆွမ်းခံထွက်ရင်းနဲ့ ဒီစေတနာပန်းခင်း ဆိုတဲ့ နာလည်လေးက ခေါင်းထဲမှာ လင်းခနဲဖြစ်သွားတာပါ၊ ဒီလိုလေးနဲ့ပဲ လွန်ခဲ့တဲ့ (၄) နှစ်ကစလို့ စေတနာပန်းခင်းလေး ဟာ လောကအလယ်မှာ စတင်ပွင့်ထွန်းပေါ်ပေါက်လာခဲ့ပါတော့တယ်၊  အဲဒိတုန်းကတော့ တစ်နေ့တစ်လံ ပုဂံ ဘယ်ပြေး၊ ဖြည်းဖြည်းပဲ သွားမယ်ပေါ့၊  ဒါပေမယ့် ခုကျတော့ ရွှေဘုန်းရဲ့ မျှော်မှန်းချက်ပြောင်း သွားပါတယ်၊ ပရဟိတ အလုပ်လေးတွေ လောဘတစ်ကြီး လုပ်မိတယ်၊ တစ်နှစ်၊ နှစ်နှစ် အတွင်းမှာပဲ အဓိကလုပ်ငန်းလေးတွေဟာ ခြောက်ခုအထိရှိသွားပါတယ်၊ ဒါကြောင့် တစ်ချို့က ပြောပါတယ်၊ လူက ငယ်တယ်၊ အလုပ်တွေက ကြီးနေတယ်၊ နိုင်ပါ့မလား၊ မနိုင်မနင်းတွေ ဖြစ်နေမယ်၊ စသည်ပေါ့၊

ရွှေဘုန်း မငယ်တော့ပါဘူး၊ ခုဆို ရွှေဘုန်းရဲ့ အသက်ဟာ (၃၀) ပြည့်ပါတော့မယ်၊ ဘ၀ပေးကြောင့် လူကောင်ညှက်နေတာပါ၊ အခြားအခြားသော စေတနာပန်းခင်း အကျိုးဆောင်များဟာလည်း ရွှေဘုန်းထက် ငယ်တဲ့သူ ရှားပါတယ်၊ စဉ်းစားကြည့်ပါ၊ ခု အသက် (၃၀) နောက် ဘယ်နှစ်နှစ် အထိ ရွှေဘုန်းတို့ လောကအတွက် အလုပ်လုပ်နေနိုင်မှာလဲ၊ သေတဲ့ အထိလား၊ ဒါတော့ မဖြစ်သေးဘူးထင်တယ်နော်၊ ရွှေဘုန်းတို့ သံသရာအတွက် မပြင်ဆင်တော့ဘူးလား၊ ရွှေဘုန်းတို့ ရဲ့ နောက်ဆုံးပန်းတိုင် သန္တိသုခ အတွက် အချိန်ပေးရဦးမယ်လေ၊ ဒါကြောင့် ရွှေဘုန်းရဲ့ သဘောကတော့ ဆယ်နှစ် ဆယ့်ငါးနှစ် အတွင်း စေတနာပန်းခင်း ဟာ  လောကအတွက်၊ သာသနာအတွက် အောင်အောင်

မြင်မြင် ရပ်တည်သွားနိုင်ပြီဆိုရင် ရွှေဘုန်းတို့ လက်ဆင့်ကမ်းရတော့မှာပါ၊ အဲလို လက်ဆင့်ကမ်းပြီဆိုရင် လည်း အောင်အောင်မြင်မြင်ပဲ အသင့်လျှောက်လှမ်းနိုင်တဲ့ အခြေနေလေးနဲ့ လက်ဆင့်ကမ်းခဲ့ချင်ပါတယ်၊

အမွေဆက်ခံတဲ့သူထံကို အခက်ခဲတွေ တစ်ပုံတစ်ပင်ကြီးနဲ့ မအောင်မမြင်တဲ့ ပုံစံနဲ့တော့  ရော့ ..အင့်ဆိုပြီး မထားခဲ့ချင်ဘူးလေ.။

အဲဒါကြောင့် အလုပ်လေးတွေ အချိန်အကန့်အသတ် အနည်းငယ်အတွင်းမှာ အောင်အောင်မြင်မြင် အခြေကျနိုင်ဘို့ အလောတကြီး ကြိုးစာေးနတာပါ၊ ခုဆိုရင် အဓိက လုပ်ငန်းခြောက်ရပ်ဟာ ရွှေဘုန်းရဲ့ အသက်အရွယ်၊ စေတနာပန်းခင်းရဲ့ အတိုင်းအတာအရဆိုရင် အထိုက်အလျောက် အောင်မြင်တယ် လို့ ပြောနိုင်ပါတယ်၊ ဒီလိုဖြစ်စေဘို့လည်း ရွှေဘုန်း အချိန်တိုင်း စေတနာပန်းခင်းအတွက်ပဲ အဓိကထားပြီး စဉ်းစားတယ်၊ သွားတယ်၊ ကြည့်တယ်၊ ဒီစိတ်နဲ့ပဲ အိပ်တယ်၊ လိုချင်မျက်လုံးနဲ့ ရှာတယ် (အသိပညာ ကိုပြောတာနော်)၊ ကောင်းတာလေးတွေ တွေ့ရင် အင်း..စေတနာပန်းခင်းမှာ ဒီလိုလုပ်ရမယ်၊ စာကြည့်တိုက် ကောင်းကောင်းလေးတွေ တွေ့၇င် စေတနာပန်းခင်း စာကြည့်တိုက်ကိုလည်း ဒီလိုဖြစ်အောင် ကြိုးစား၇မယ်၊ အရာရာအတွက် စေတနာပန်းခင်းမှာပဲ မြုပ်နှံထားခဲ့တယ်လေ၊၊ ဒါကြောင့်ပဲ စေတနာ ပန်းခင်းလေးဟာ လောကအလယ်မှာ လောကအတွက် သာသနာအတွက် စွမ်းရာနေရာက ပါဝင်ထမ်းရွက်ဘို့ အသင့်အနေထားထိ ရောက်လာခဲ့ပါတာပါ၊ ဒီလို အခြေနေရောက်လာဘို့ လွန်ခဲ့တဲ့ လေးနှစ်၊ ငါးနှစ်ကစလို့ ရွှေဘုန်းကို ယုံယုံကြည်ကြည်နဲ့ အနစ်နာခံ ကြိုးစားပေးခဲ့ကြတဲ့ ခမောက်စုက အကျိုးတော်ဆောင်များ၊ ယခုလက်ရှိအချိန်မှာ ရွှေဘုန်းရဲ့ အသက်အရွယ်ငယ်တာတွေ၊ ပညာရေး ကြီးကြီးကျယ်ကျယ် မဟုတ်တာတွေကို ဘေးချိတ်လို့ ယုံယုံကြည်ကြည် ၀ိုင်းဝန်းကြိုးစားပေးကြတဲ့ ထောက်ပံ့ လှူဒါန်းကြတဲ့ အလှူရှင်များက အဓိက အခန်းက ပါဝင်ပါတယ်။

တစ်ကယ်တော့ ပရဟိတနဲ့ အတ္တဟိတဆိုတာ ခွဲခြားလို့ မရစကောင်းသော ပန်းတိုင်တူ အရာနှစ်ခုပါ၊ နှစ်ခုပေါင်းမှ ပြီးပြည့်စုံတဲ့ ရထားသံလမ်း တစ်ခုလိုပါပဲ၊ ပရဟိတအတွက် ရွှေဘုန်းရဲ့ ဘ၀ကို မြှပ်နှံခဲ့တယ်၊ ထိုပရဟိတကြောင့်ပဲ ရွှေဘုန်းတို့ ဘ၀ တင့်တင့် တယ်တယ် ဖြစ်ခဲ့တယ်၊ အဲဒိလို တင့်တယ်ခြင်းတွေကလည်း တစ်ဖန် ပရဟိတအတွက် ငြမ်းအဖြစ်ပြန်ပြီး ကျေးဇူးပြုပြန်တယ်၊ ဒါကြောင့် ဒီနှစ်မျိုးဟာ ဘယ်လိုမှ ခွဲခြားလို့ မရဘူးလို့ ဆိုတာပေါ့၊ ရွှေဘုန်းတို့ရဲ့ သုံးလောက ထွဋ်ထား မြတ်ဘုရားရဲ့ ဘ၀သံသရာကိုပဲ ကြည့်လိုက်ပါ၊ အလောင်းတော်ဟာ သူ့ဘ၀ကို လောကသားတွေရဲ့ အကျိုးအတွက် ချခင်းခဲ့တယ်၊ အဲဒိလို ပရဟိတအတွက် ချခင်းခဲ့တာကြောင့်ပဲ အလောင်းတော်ရဲ့ဘ၀ဟာ သံသရာမှာ ထောက်ရာ တည်ရာရခဲ့တယ်လေ၊ နောက်ဆုံးမှာတော့ အလိုချင်ဆုံး အနှိုင်းမဲ့ ချမ်းသာကြီးကို ရခဲ့တယ်၊ အဲလို ရခဲ့ပြန်တော့လည်း ထိုချမ်းသာကြီးဟာ လောကအတွက်ပြန်ပြီး ကျေးဇူးပြုသွားပြန်ရော မဟုတ်လား...

တစ်ချို့က ပြောကြပါတယ်၊ ပရဟိတ အလုပ်လေးတွေ လုပ်ဘို့ပြောရင် မအားလို့ပါ၊ မအားလို့ပါပေါ့...အပြစ်တင်တာ မဟုတ်ပါဘူး၊ လောကလူသားတွေဟာ သားရေး၊သမီးရေ..စီးပွါးရေး စတဲ့ အရေးပေါင်းများစွာနဲ့ အနေမနား ပြေးလွှားနေရတယ် ဆိုတာ ရွှေဘုန်း သိတာပေ့ါ၊ သို့ပေမယ့်ပေါ့လေ... မအားလို့ မလုပ်ဘူးဆိုတာ " အဲဒိအလုပ်ဟာ ကိုယ့်ဘ၀အတွက် မဖြစ်မနေ လုပ်ရမယ့် အလုပ်မဟုတ်ဘူး၊ ဒီမှာ မရှိမဖြစ် လုပ်ရမယ့် အလုပ်တွေ လုပ်နေတယ် " လို့ ဆိုလိုတဲ့ သဘောပါ၊ ပြောရရင်တော့ ပရဟိတကို ဘ၀ထဲမှာ မထည့်ထားနိုင်တဲ့ သဘော၊ တစ်ကယ်လို့သာ ပရဟိတအလုပ်သည်လည်း မဖြစ်မနေ လုပ်ရမယ့် အလုပ်တစ်ခုလို့ သတ်မှတ်ထားမယ်ဆိုရင်တော့ ကုသိုလ်ကောင်းမှုလေးတွေ သွားလုပ်ရအောင်ဆိုရင် မအားဘူးဆိုတဲ့ အချိန်တွေဟာ တစ်ဖြည်းဖြည်း နည်းသွားတော့မှာပါ၊ အဲလို နည်းသွားမှလည်း ရွှေဘုန်းတို့ ဘ၀ဟာ ပရဟိတအတွက် ငြမ်းဖြစ်မယ်၊ ထိုပရဟိတကပဲ ကိုယ့်ရဲ့ သံသရာ ခရီးမှာ ထောက်ရာတည်ရာဖြစ်

လာမယ်လေ....

ဒါကြောင့် မအားဘူး...မအားဘူး...ခဏခဏ မပြောနဲ့နော်....

မေတ္တာဖြင့် ရွှေဘုန်း....(30.6.2012)