ဒုက္ခဆိုတာ ဘာလဲ...?

နေ့စဉ်လူသားတွေနဲ့ အတော်လေးကို ရင်းနှီးတဲ့ ပါဠိစကားလုံးလေး တစ်လုံးရှိပါတယ်။ အဲဒါကတော့ “ဒုက္ခ”ပါ။ ဒုက္ခကို မြန်မာဘာသာနဲ့တော့ “ဆင်းရဲခြင်း”လို့ သာမာအားဖြင့် ဘာသာပြန်လိုက်ကြတာပါပဲ၊ ဆရာကြီး ဦးမြင်ဆွေ(မဟာဝိဇ္ဇာ၊ လန်ဒန်)ကတော့ ဒုက္ခကို “ဆင်းရဲခြင်း”လို့ ဘာသာပြန်ခြင်းထက်၊ ဘာသာမပြန်ပဲထားတာက ပိုကောင်းပါတယ်တဲ့။ ဆင်းရဲခြင်းလို့ သာမာန်ဘာသာပြန်လိုက်ခြင်းအားဖြင့် အဓိပ္ပါယ်ကောက် လွဲမှားမှုတွေဖြစ်နိုင်တယ်။ ဥပမာ ဗုဒ္ဓ၀ါဒဟာ အဆိုးမြင်ဝါဒ စသည်အားဖြင့်ပေါ့။

 ရေးခဲ့ဘူးသလိုပဲ ဗုဒ္ဓ၀ါဒဟာ ဖြစ်နိုင်တာကြီး ကိုလည်း မြှောက်ပင့်ပြီး မျှော်လင့်ချက်အတုကို မပေး ဘူး။ ဖြစ်နိုင်တာထက် ကျော်လွန်ပြီးလည်း ချိန်းခြောက်မှုတွေ မလုပ်ဘူး။ လောကမှာ ရှိနေတာကိုပဲ အရှိ တိုင်းလမ်းညွှန်ချက်ပေးတာ ဗုဒ္ဓ၀ါဒပါ။ အဲဒါကို မသိကြတော့ ဒုက္ခ=ဆင်းရဲခြင်းဆိုတဲ့ ဘာသာပြန်ကိုကြည့်ပြီး ဗုဒ္ဓ၀ါဒဟာ အဆိုးမြင်ဝါဒပါ လို့ ရမ်းကြိတ်ကြတော့တာပါပဲ။ မြတ်စွာဘုရားရှင်က ဓမ္မစင်္ကြာဒေသနာတော်မှာ ဇာတိပိ ဒုက္ခာ စသည်အားဖြင့် ဒုက္ခသရုပ်တွေ ထုတ်ပြပြီးတော့ နောက်ဆုံးမှာ သံခိတ္တေန ပဉ္စုပါဒါနက္ခန္ဓာ ဒုက္ခာလို့ ဟောတော်မူပါတယ်။ ဆိုလိုရင်းကတော့ “အကျဉ်းချုပ်လိုက်တော့ ခန္ဓာငါးပါး ရနေတာကိုက ဒုက္ခပါ”လို့ဟောတော်မူတာပါ။


အဲဒါဆိုရင် လူသားတွေ တပ်မက်တာတွေ ၊ မလိုချင်တာတွေ ၊ ချစ်တာတွေ မုန်းတာတွေ စသည်အားဖြင့် အရာအားလုံးဟာ ဒုက္ခစာရင်းမှာပါသွားပါပြီ..။ ဒါကြောင့် ဒုက္ခကို “ဆင်းရဲခြင်း” သက်သက်လို့ ဘာသာပြန်ခြင်း တစ်ကယ့်အဓိပ္ပါယ်မူရင်းထက် အလွန်ကို ကျဉ်းမြောင်းနေတာတွေ့ရပါတယ်။ အာရုံတစ်ခု ကို လူသားတွေက ပါတ်သက်မှုမှာ အဆင့် သုံးဆင့်ရှိပါတယ်။ ၁.အဿာဒ=သာယာစရာပါ၊ ကိုလိုချင် တာလေး ရတယ်၊ ချစ်တဲ့သူနဲ့ တွေ့ရတယ်။ ဆိုရင် လူတွေက ပျော်ကြတာပါပဲ၊ အဲဒါတွေရနေတဲ့ အချိန်မှာ တစ်ကယ်ကို သာယာစရာပါ။ ဒါပေမယ့် အဲဒိပျော်စရာတွေဟာ မမြဲပါဘူး။ ပြီးတော့ အဲဒိပျော်စရာတွေကို ခံစားတဲ့ စိတ်တွေဟာလည်း မတည်ငြိမ်ဘူး။ ကိုယ်ရနေတဲ့ သာယာစရာတွေရော ၊ အဲဒိအပေါ်မှာခံစားတဲ့ စိတ်တွေရောဟာ အမြဲမတည်ငြိမ်ဘူး၊ စက္ကန့် မလပ် ပြောင်းလဲ တုန်လှုပ်နေတယ်။

အဲဒိမှာ နောက်တစ်ဆင့်က ၂.အာဒီန၀ ပါ။ ဒါကတော့ စောစောက ကိုယ်ရထားတဲ့ သာယာစရာလေးတွေ ရဲ့ ချို့ယွင်းချက် အပြစ်အနာအဆာဆိုတဲ့ သဘောပေါ့။ လူတွေက လိုချင်တာလေးတွေ မရတော့မှ၊ ပျက်စီး သွားတော့မှ ဒုက္ခလို့ ထင်တတ်ကြတယ်။ အဲဒိရနေတဲ့အချိန်လေးမှာပဲ အမြဲပြောင်းလဲနေတဲ့ သဘောလေးကို သတိမထားမိကြဘူး။ အဲဒိလို အချိန်မလပ် ပြောင်းလဲနေခြင်း၊ မတည်ငြိမ်ခြင်းဟာပဲ ဒုက္ခပါ။ ကိုယ်ရရှိထားတဲ့ ခန္ဓာငါးပါးဟာ ဒုက္ခဆိုတော့ ဒိခန္ဓာငါးပါးနဲ့ စက်စပ်ပြီးတော့ ရလာတာဟာ မှန်သမျှဟာလည်း မမြဲခြင်း သဘောရှိတဲ့အတွက် ဒုက္ခစာရင်း ၀င်သွားတော့တာပါပဲ။ အနှစ်ချုပ်လိုက်တော့ မတည်ငြိမ်ခြင်း၊ အမြဲ လှုပ်ခတ်နေရခြင်းဟာ ပျော်စရာဖြစ်စေ ၊ ၀မ်းနည်းစရာဖြစ်စေ အားလုံးဟာ ဒုက္ခပါ။ နောက်ဆုံးအဆင့် ကတော့ ၃. နိဿရဏ၊ ကိုယ်လိုချင်တာတွေ ၊ ရနေတာတွေ ၊ မလိုချင်တာတွေ အားလုံးရဲ့ မမြဲခြင်း သဘောကို သိပြီး ထွက်မြောက်နိုင်မှသာလျှင် ဒုက္ခက လွတ်မှာပါ။ ဒါကြောင့် ဒုက္ခဆိုတာ ဆင်းရဲခြင်း တစ်မျိုး တည်းမဟုတ်ဘူးဆိုတာ သိဘို့အလွန်ပဲ အရေးကြီးလှပါတယ်။

အင်္ဂလိပ်စာမှာတော့ ဒုက္ခကို Suffering လို့ ဘာသာပြန်တယ်။ ဒီထက် လေးနက်တဲ့ ပညာရှင်တွေကျတော့ Frustrated လို့ ဘာသာပြန်တယ်၊ Frustrated ကို အဘိဓာန်ကြည့်လိုက်တော့ =feeling annoyed or less confident because you cannot achieve what you want လို့ အဓိပ္ပါယ်ဖွင့်ဆိုတားတာ တွေ့ရတယ်။ လိုချင်တာ မရလို့ စိတ်မချမ်းမြေ့တာ၊ ယုံကြည်ချက် ပျောက်ဆုံးတာလို့ ဘာသာပြန်ထားပါတယ်။ နီးစပ်တယ် လို့ ပြောလို့ရပေမယ့် တစ်ကယ့် ဒုက္ခရဲ့ မူရင်း အနက်အဓိပ္ပါယ်ကိုတော့ မခြုံငုံမိပါဘူး။ မြတ်စွာဘုရားဟော ကြားတော်မူသလို ခန္ဓာငါးပါးနဲ့စပ်တာ မှန်သမျှ ဒုက္ခမို့ ဒုက္ခကို ဒုက္ခအတိုင်းလေးပဲ ဘာသာမပြန်ပဲ ထားလိုက် တာ အကောင်းဆုံးပါ။ ဒါကြောင့် မဖြစ်ချင်တာတွေ ဖြစ်မှ ဒုက္ခပဲလို့ တ တတ်ကြတဲ့ သူတွေ စဉ်းစားစရာ ပါ..။ကဲ...ဘယ်အချိန်မှာ ဒုက္ခ လို့ တကြမလဲ...စဉ်းစားကြပေတော့...။

ကိုးကား။ ။ ၁.အခြေပြုအဘိဓမ္မာ(ဦးမြင့်ဆွေ=မဟာဝိဇ္ဇာ၊ လန်ဒန်) ၂.မြတ်ဗုဒ္ဓဒေသနာ(ဇေယျာမောင်)၊ 3. What the Buddha taught.

အလင်းအိမ်(စေတနာပန်းခင်း)4.10.2011(Tues)